كيف تصبح مناضلاً على طريقة ممارسة الدعارة السياسية !!!
إذا أردت أن تصبح مناضلاً يجب عليك أولاً، أن تكون " ناشط " ليس ناشطاً حقوقياً بمعناها الحقيقي لكن بمعناها القذافي (كما هو حال بعض جمعياتنا الحقوقية، التي تدافع على إنسان دون الآخر، وتستغل، وتركب أمواج الحركات الشبابية وتحولها إلى رصيف الشوارع لممارسة الدعارة السياسية !!!)، ناشط مع راسك... وصافي ... و" بَرَّدْ " على قلبك ب... : غنو، ارقصو، عيشوا العزة، ثورة، ثورة، إلى الأمام، إلى الأمام... ".
لغنا والشطيح ... أرى برع
الآن وبعد أن أصبح النضال موضة عالمية، غزا حتى أسواق الأحزاب والجمعيات والجماعات التي لم يفتح الله عليها من قبل في النضال الحقيقي، يلا بغيتي تصبح مناضل كبير كبعض أصحابنا وإخواننا (أتكلم هنا مع صاحبنا الإفتراضي الذي سيظهر في صورنا المرفوقة، مع كامل احتراماتي للمناضلين الأحرار الذين يناضلون عن قناعة، ومن أجل قضية عادلة ومعقولة)، فالقضية ساهلة بزاف، راك عارف الإسثناء المغربي : يلا كنتي فالمغرب " فلا تستغرب "، غادي نوريك كيفاش تتخطى عالم الكوميديا وتمشي لعالم " الأكشن " (L'action) والمغامرة، وترجع مناضل فعال في رمشة عين، برق ما تقشع، وخا تكون ماتاتقشع والو.
كووووول
تيق فيا، فالطريقة سهلة جداً، ما عليك سوى أن تتبع هذه الخطوات السبع لا غير، ومن بعد رد عليا لخبار :
الخطوة الأولى : يجب عليك أن تتمرد على العادات والتقاليد وأنماط الحياة والقيم كيفما كانت أخلاقية أو دينية، وتدعو لحياة تسودها الحرية، ألم يولد الإنسان حر وسيموت حراً فلماذ لا تكون " كيف كيف " ؟!!! ... وأن تدافع عن آرائك ومعتقداتك الخاصة وذلك في وجه والديك وفي وجه حتى المجتمع !!!، لماذا لا ؟، فهذه هي الحرية، المهم
أن تكون : " مْقَزْدَرْ أُو ضَارَبْهَا فَاللاَّصْ " بالمعنى العامي، وتكون مسخوط يعني ما تتسمعش كلام والديك !!!، لأن السخط والرضى هاذ الشي هدرة قديمة بزاف، وضد حرية الفرد " كيف كيف "، وحنا أولاد اليوم و والدينا ما عرفين والو والو ماعرفناش كيفاش ولدونا وهما كوانب. والأحسن أن تترك لهم الدار لتتحرر أكثر (نصيحة بعد أن تشتهر، فلا تحشم لأنه كما قلنا سيكون وجهك مقزدر، وافتخر أمام الإعلام السمعي والبصري، بأنك مسخوط، وما تتسمعش كلام والديك، وهذا ماشي سخط الوالدين في الحقيقة، بل نوع من السيبة، عفواً الحرية الطبيعية). واذهب إلى أول نادي أنترنيت وافتح لك حساب بالفايسبوك، ماشي التويتر ولا منتدى ولا موقع آخر، بل تنكرر الفايس بوك وجعل منو بُوكْ يعني بَّاكْ، وهكذا غتكون دبرتي لراسك على دار أولاً، وساكن في معقل النضال ثانياً، وحتى يلا ما عرفتيش تستعمل الفايسبوك فهناك بزاف ديال المناضلين الإفتراضيين أصحاب الحسنات يوريوك القوالب، ويكتبو ليك حتى الشعارات ديال المطالب (ديالهم طبعاً)، أو ما عليك إلاَّ تكري حنكك وفمك وغواتك ليهم وَخَّا ما تتفهم فالشعارات والمطالب وَالُو، ماكاين مشكل ما تخافش من هاذ القضية، غادي نسربهوم ليك، بيني وبينك، قبل ما يعلموهم ليك باش تحفظهم على خاطرك ، وباش يلا تخرجتي من الإفتراضي للواقعي تكون واعر، وها هي !!!... أرى برع :
الخطوة الأولى : يجب عليك أن تتمرد على العادات والتقاليد وأنماط الحياة والقيم كيفما كانت أخلاقية أو دينية، وتدعو لحياة تسودها الحرية، ألم يولد الإنسان حر وسيموت حراً فلماذ لا تكون " كيف كيف " ؟!!! ... وأن تدافع عن آرائك ومعتقداتك الخاصة وذلك في وجه والديك وفي وجه حتى المجتمع !!!، لماذا لا ؟، فهذه هي الحرية، المهم
أن تكون : " مْقَزْدَرْ أُو ضَارَبْهَا فَاللاَّصْ " بالمعنى العامي، وتكون مسخوط يعني ما تتسمعش كلام والديك !!!، لأن السخط والرضى هاذ الشي هدرة قديمة بزاف، وضد حرية الفرد " كيف كيف "، وحنا أولاد اليوم و والدينا ما عرفين والو والو ماعرفناش كيفاش ولدونا وهما كوانب. والأحسن أن تترك لهم الدار لتتحرر أكثر (نصيحة بعد أن تشتهر، فلا تحشم لأنه كما قلنا سيكون وجهك مقزدر، وافتخر أمام الإعلام السمعي والبصري، بأنك مسخوط، وما تتسمعش كلام والديك، وهذا ماشي سخط الوالدين في الحقيقة، بل نوع من السيبة، عفواً الحرية الطبيعية). واذهب إلى أول نادي أنترنيت وافتح لك حساب بالفايسبوك، ماشي التويتر ولا منتدى ولا موقع آخر، بل تنكرر الفايس بوك وجعل منو بُوكْ يعني بَّاكْ، وهكذا غتكون دبرتي لراسك على دار أولاً، وساكن في معقل النضال ثانياً، وحتى يلا ما عرفتيش تستعمل الفايسبوك فهناك بزاف ديال المناضلين الإفتراضيين أصحاب الحسنات يوريوك القوالب، ويكتبو ليك حتى الشعارات ديال المطالب (ديالهم طبعاً)، أو ما عليك إلاَّ تكري حنكك وفمك وغواتك ليهم وَخَّا ما تتفهم فالشعارات والمطالب وَالُو، ماكاين مشكل ما تخافش من هاذ القضية، غادي نسربهوم ليك، بيني وبينك، قبل ما يعلموهم ليك باش تحفظهم على خاطرك ، وباش يلا تخرجتي من الإفتراضي للواقعي تكون واعر، وها هي !!!... أرى برع :
الشعارات القديمة/الجديدة
الخطوة الثانية : الآن بعد النضال الإفتراضي، خرج ليها كٌود دير الجبهة والتصنطيحة والتقزدير، وما تمشيش عند الحجام، يعني الحلاق أو بقى مشعكك ديما ديما بحال " كيف كيف "، علاود التحسان أو قص الشعر هو مسألة عقائدية ماشي أخلاقية !!!.
نبقى مشعكك ؟ !!!
إيه ... نعم، وما تمشيش للحمام أو بقى موسخ ديما ديما بحال " كيف كيف "، لأنك ماشي احمق باش تقول النظافة من الإيمان، وأنت تمردت عن القيم الدينية، و باش تكون فيك غير الريحة ديال النضال !!!،
نبقى مكٌلَّكٌ ؟ !!!
إيه ... نعم، وحتى يلا كنتي " تتشوف مزيان " لابُدْ ما الدير النظارات " النظاظر " كاليبر 20، عنداك ديال 20 في 20، باش يعرفو الناس بلي راك واعر واعر واعر وأرى برع
النظاظر وخَّا !!!
أو َدبَّرْ على شي كوفية بحال هاذوك اللي تيلبسوهم فالمشرق، كيف تيديرو الفدائيين الفلسطينين، غير هما تيديروها باش يتسماو مقاومين ضد إسرائيل، أو المناضلين ديالنا تيديروها باش يبانو ثوار ...
ويلا كان " الصهض" ؟ !!!
إيه ... نعم، اخركٌها عليك فالصيف فالشتوة، وخا تكون الشمس والحرارة، هاذيك هي " الإتيك " ديال المناضلين، ويلا كانت عندك شي تصويرة ديال " شيكيفارا "، واو، واو، ديما بيَّنْها وتصور معاها، باش تبان شيوعي ويساري وراديكالي وكوبي وكل شي ذاك الشي ديال الثوار، ومناضل ديال الصح ... إوا أرى برع. وما تنساش تمشي ل " الجوطية وتشري شي حزمة ديال " لكتوبة " ...
ما عنديش مع القراية ولكتوبة
إيه ... نعم، وخا يكونو ديال الجابون ولا الشينوة، وخَّا أنت ما عارف فيهم حتى زفتة مايهمش !!! وزيد عليهم شي رزمة ديا الجرائد ...
حتى هي ؟ !!! ما عنديش معها
إيه ... نعم، خصوصاً ديك الصفراء، ديال ذوك اللي تيعرفوا يكذبو مزيان وكيغرقو الشقوفة بالكلام المعقد، ماشي لكلام لمرصع ديال جيل جيلالة، باش يساندوك وهَلْلُو ليك ويديرو تصويرتك فالصفحة لولى ويديرو معاك الإستجوابات اللي هما اللي كيخترعو كلامها ما تخافش ما تقول والو نتا هما يتكلفو بكل شي، ويلا كانوا ضد النظام هاديك زوينة بزاف بزاف ... وهاكَّا شكلك غيولي شكل ديال مناضل رسمي، وغادي يجيو لحزاب ولجمعيات ديال جوج دريال، ويهرفو عليك ويتبناوك وخا التَّبَنِّي حرام شرعاً !!!، المهم تكن مناضل مشهور أو صافي ... إوا أرى برع.
الخطوة الثالثة : سير لشي قهوة فوسط لمدينة تكون " عامرة بالشَّمْكَارَا، واكٌلس هناك، وطلب قهوة، وَايَّاك تطلبها ف " الطَّاسْ "، اطلبها ف الكاس بحال " يديرها الكاس العباس يديرها الكاس " فهمتي فالكأس (قهوة أو شي حاجة أخرى، !!!)، ما عليناش المهم هو الكاس، رد بالك هذا هو المشروب الرسمي ديال المناضلين ديال دابا !!!. ولازم تذخن يعني تكمي الكٌارو، أشنو ؟ ما تا تكميش ؟ ...
الخطوة الثالثة : سير لشي قهوة فوسط لمدينة تكون " عامرة بالشَّمْكَارَا، واكٌلس هناك، وطلب قهوة، وَايَّاك تطلبها ف " الطَّاسْ "، اطلبها ف الكاس بحال " يديرها الكاس العباس يديرها الكاس " فهمتي فالكأس (قهوة أو شي حاجة أخرى، !!!)، ما عليناش المهم هو الكاس، رد بالك هذا هو المشروب الرسمي ديال المناضلين ديال دابا !!!. ولازم تذخن يعني تكمي الكٌارو، أشنو ؟ ما تا تكميش ؟ ...
أعباد الله ما تنكميش !!!
إيه ... نعم، تكمي، هي أنت متأخر بزاف !!!، عود تكما باش تشوف آش تما !!! " وخا ما تاتكميش " من اليوم بدى تكمي، وإلاَّ تِقْ فِيَّا وصدقني ما عمرك ما غا تبقى مناضل !!!، ومن بعد ما تشرب القهوة وتكمي مع راسك شي جوج كٌوَّارو، يلا كانو " محشوين " !!!، يكون احْسَنْ بزاف، ورَيَّح ليَّا معا راسك مزيان، أو ورَّكْ على الكرسي عنداك يطيح بيك اللور، أو بدا ضْرَبْ على الطبلة وتغَوًت لغوات ديال المناضلين :
شِبْر شِبر، بيت بيت ؟ !!!..
إيه ... نعم، " شِبْر شِبر، بيت بيت، دار دار، زنكٌة زنكٌة، فرد فرد، إلى الأمام إلى الأمام، ثورة ثورة، معايا الملايين من مدن الداخل، معايا الملايين من مدن أخرى، أنا هنا أوجه نداء لكل ملايين الصحرا، من الصحرا لصحرا حتى تحظر الملايين، الملايين تزحف، وما هُو حَدْ يضبطها، بسرعة بسرعة، دقت ساعة العمل، دقت ساعة الزحف، دقت ساعة الإنتصار لا رجوع، ثورة ثورة ... " إوا أرى برع ... فهمتي شي حاجة أَلْمناضل ؟ !!!
والله ما فهمت حتى زفتة
أشنو ؟ لا مافهمتي والو !!! مافهمتي حتى زفتة ؟!!!، أوحتى أنا ما فهمتش والو وحتى حد مغادي يفهم شي زفتة، ولكن وهذا هو المهم كل شي اللِّي " كٌاعدين " فالقهوة غيعرفو بأنك مثقف، بالخصوص " الشْمَاكرية "، يعني شكلك بقى شكل مناضل وكلامك كلام ديال المثقفين برافُو... إوا أرى برع !!!.
الخطوة الرابعة : غادي تْنَبَّتْ حداك وفجنبك شي بُومْبَا إيه شي قرطاسة!!!، يعني شي بَنْتْ تكون تتشبه ليك تقريباً، لكن على وزن مؤنث، ماشي على وزن كيف كيف ...
الخطوة الرابعة : غادي تْنَبَّتْ حداك وفجنبك شي بُومْبَا إيه شي قرطاسة!!!، يعني شي بَنْتْ تكون تتشبه ليك تقريباً، لكن على وزن مؤنث، ماشي على وزن كيف كيف ...
هاذي داكور وخَّا معنديش مع ... !!!
إيه ... نعم، أو ما تنساس القضية تَلْحَمَّامْ، يعني السخون والغسيل والكسال وذاك الشي... حتى هي باش تكون القضية حامضة وتتعطي منها ريحت النضال !!!وتكون مثقفة بحالك وتتكلم تقريباً بحالك، أُوتْهَلاَّ فيها بزاف، وخليها دايماً معاك، لأنها غتولي شي حاجة مهمة جداً فالمظهر ديالك النضالي وغتنفعك في المستقبل القريب... إوا أرى برع !!!.
الخطوة الخامسة : يوم الخروج للنضال تْسَنَّى، يعني ماتزربش على راسك، انتظر حتى تعطي ريحة صحابك المناضلين ويوجدو ضلوعهم عاد خرج، ماتمشيش بكري على النبوري من الأحسن من بعد الظهر، حيث غادي تكون الجرائد الصفرا صيفطات الصحافيين الفضائيات اللي ضد الدولة صيفطات المصورين، باش يصورو " الزردة "
الخطوة الخامسة : يوم الخروج للنضال تْسَنَّى، يعني ماتزربش على راسك، انتظر حتى تعطي ريحة صحابك المناضلين ويوجدو ضلوعهم عاد خرج، ماتمشيش بكري على النبوري من الأحسن من بعد الظهر، حيث غادي تكون الجرائد الصفرا صيفطات الصحافيين الفضائيات اللي ضد الدولة صيفطات المصورين، باش يصورو " الزردة "
دابا عطات ريحت الرفاق ...
من بعد عينك ميزانك، شوف شي صف ديال البوليس اللي قريب ليك، عنذاك، يكونو فيه غير شي ظريفين وقصدهوم، وما تخافش منهم ما تحترمهومش، آشْ تديرو لينا بالسلامة كٌاع ؟ وغوَّتْ فوجههم وقول : الشع....
الشعب يريد... أشنو ؟ نسيت !!!
أجي نسيتي أش بغا الشعب ؟ !!!... متكٌول حتى حاجة كٌاع، هما يقبضوك يقبضوك ما تصضعش راسك أوغَيْ لوحوك في السيلون مع بقية اصحابك الرفاق المناضلين، وها النضال غاي يبدا يلصق فيك !!! ما يقدر يحيدو ليك حتى واحد، وخا صابون تازة مع احتراماتنا لسكان تازة الطيبين... إوا أرى برع !!!.
أميمتي دغيا كٌمطوني
الخطوة السادسة : ملي تكون في الكوميسارية عنذاك تقول شي حاجة من ذاك الشي ديال المناضلين ولاٌ تجبد حَسْ النضال اللي مازال عاد حفظتو ليك دابا، علاود ما غادي تعرف الضرب منين غادي جي ليك، عنداك أنكر راه الخوف فالبُعْدْ رَجْلة !!!
والله كنت غادي نشري الخبز لماما
وكلها يوماين ولا ثلاثة كٌاعْ وحيكتشفوا بلي نتا مناضل صغيوَّرْ وصُغَنَّنْ وغادي يخرجوك... إوا أرى برع.
الخطوة السابعة : التخرج !!!، تخرجك من الكوميسارية !!!، هانتا تخرجتي أو قبضتي الدبلوم ديال النضال الفعلي بَاي بَاي الإفتراضي، مكتوب " بلانكر دو شين "، يعني المداد ديال الشينوة حتى " كٌومة " ما تقدر تمحيه !!!، وملي يخرجوك الرجال ديال البوليس
الخطوة السابعة : التخرج !!!، تخرجك من الكوميسارية !!!، هانتا تخرجتي أو قبضتي الدبلوم ديال النضال الفعلي بَاي بَاي الإفتراضي، مكتوب " بلانكر دو شين "، يعني المداد ديال الشينوة حتى " كٌومة " ما تقدر تمحيه !!!، وملي يخرجوك الرجال ديال البوليس
أممتي ضلوعي ... ضلوعي يا ناس
غيقولو ليك : ما باقيش تعاود هاذ التخربيق، راك مبوانتي عندنا، أو ما باقي نشوفوك حتى فشي مظاهرة ثانية !!!، وأنت غتقول حاضر،... أنا مشيت غير نشري الخبز مالحانوت وشفت الناس تيجريو وصافي، وهما يقبطوني !!!...
حاضر ـ نعم ـ وخا أسيدي
ما عليناش، هما متيعرفو والو المهم قل ليهم حاضر ونعم واخا، عنداك، ديما حاضر ونعم واخا، وخا ما تتقولهمش حتى الوالدين !!!.ملي غادي تخرج من الكوميسارية، غادي تلقى جيش ديال الصحفيين، كل واحد منهم غيموت باش ياخذ من سيادتك شي جوج كليمات أو شي تصيورات، وغتلقى جيش آخر أكبر منو، ديال المناضلين بحالك، غادي يهزوك فوق أكتافهم وظهورهم، وغادي تحس بواحد السعادة حتى الغرور، وغيعتبرو تَخَرّْجَكْ هذا، إنتصار ليهم وللحرية وللكرامة ديالهم وبقى تغوت وتتقول :
ما مفاكينش على المطالب ديالنا !!!
"عاش النضال عاش النضال عاش النضال"، وما تنساش تقول فقلبك، يعني في السر، وهاذي هي المهمة : " الرفض من أجل الرفض "، وها أنت صبحتي، بلا والو، وفخمسة أيام بما فيها يوماين ديال الكاشو، مناضل كبير، وتشهرتي عند كلشي وتبوانتيتي عند كولشي، وغادي تبقى تناضل طول حياتك حتى تشرف وتخرف أكثر...حينها لا تنسى دعاء المناضلين وقل : اللهم تقبل نضالنا واكتبه في موازين أعمالنا، وابعثنا مناضلين في أنفسنا إنك سميع مجيب ... وأرى برع آمين !!!. 
آمين يارب العالمين !!!.
ليست هناك تعليقات:
إرسال تعليق